بقلم الكاتب
محمد عباس
الاسماعيليه
... ... ...........
احنا بينا كتير
متجيش تهده في ثانيه
بينا مشاعر نبيله
ينفات لها الف دنيا
بينا مواقف وعشره
ماينبعوش في ثانيه
بينا اماني شجية
اوقات عطرة وندية
بينا معاني جميلة
من واقع الخيال
بينا ايام وسيرة
ودوام الحال محال
بينا الفة طويلة
متشتريش بالمال
ناس كانت اصيلة
بقوا ذكري للسنين
بقوا ماضي بكلمتين
صراع غيبه وانين
وفات العمر بينا
وقلوبنا مجروحين
داسوا علي كل طيب
هجر وحرمان وشين
قصه احلام اسيرة
مرت في غمضة عين
قصة وكانت مريرة
مليانة شخوص عليلة
عطشانة دموع حزينة
بدايتها طريق وزين
والبسمة ع الخدين
نهايتها مرار دافين
وشوش كانت بتضحك
واماني ع الصفين
تمثيل خداع محنك
كانوا معجونين بالطين
خلصت مصلحته منك
كان حاجز مدتين
سجل واكتب كتابك
بايميل اوشفرتين
انظر حالك وفالك
راعي حق المبهورين
ملعون ابوالنداله
وكلمه من سطرين
صداقة والازمالة
اكفينا شر العين
ربي العظيم كفانا
عيون الغدارين
واقع غدر وخيانة
في عيون النداهين
ادانة والإهانة
انسان جاحد وشين
الطيبة بقت علامة
وطريق للسجانين
وقانون لايحمي غير
شوية خداعين
ذكاء ويبان شطارة
سلاح للطماعين
البركة في الاصالة
جوهر كل الحنين
ابقي واحفظ وعدي
لكن هتروح لفين !!